ԽԱԽՏՈՒՄՆԵՐԻ ՄԱՍԻՆ ԻՐԱԶԵԿՄԱՆ ՔԱՂԱՔԱԿԱՆՈՒԹՅՈՒՆ
ԻՆՆՈՎԱՖԱՐՄ ընկերությունը հավատարիմ է ազնվության, թափանցիկության և պատասխանատվության բարձրագույն չափանիշներին և մեր աշխատակիցները մեծ դեր ունեն այն իրականացնելու գործում:
ԻՆՆՈՎԱՖԱՐՄ ընկերությունը ներդրել է խախտումների իրազեկման քաղաքականություն՝ բոլոր այն դեպքերում, երբ աշխատակիցը մտահոգված է ընկերությունում մեկ այլ աշխատակցի պահվածքով և ցանկանում է տեղեկացնել այդ մասին:
Այս քաղաքականությունը տարածվում է ԻՆՆՈՎԱՖԱՐՄ ընկերության բոլոր աշխատակիցների վրա: Քաղաքականությունը տարածվում է նաև երրորդ կողմի խորհրդատուների, կապալառուների և անձնակազմի վրա, ովքեր համագործակցում են ԻՆՆՈՎԱՖԱՐՄ ընկերության հետ:
Մեր աշխատակիցները պետք է զեկուցեն ցանկացած պարտավորության չկատարման, հանցագործությունների կատարման, աշխատողների կամ հասարակության առողջությանը սպառնացող, շրջակա միջավայրի համար վնասակար գործողությունների մասին կամ ուղղված են վերը նշված ցանկացած խախտումները թաքցնելուն, որոնք կարող են հանգեցնել ֆինանսական կորուստների կամ հեղինակության վնասի։Եթե կասկածում եք, որ առկա է ԻՆՆՈՎԱՖԱՐՄ ընկերության շահերին սպառնալիք, կամ կա վտանգ որևէ այլ ֆիզիկական կամ իրավաբանական անձի համար, հայտնեք դա:
Գաղտնիություն
Հայտնելով ձեր կասկածները՝ սույն քաղաքականությանը համապատասխան, դուք չեք կորցնում ձեր աշխատանքը և չեք ենթարկվում որևէ հատուցման կամ հետապնդման: Նույնիսկ եթե սխալմունք է տեղի ունեցել, գլխավորն այն է, որ դուք գործեք բարեխղճորեն: Այնուամենայնիվ, այս քաղաքականությունը չի տարածվում նրանց վրա, ովքեր գիտակցաբար, չարամտորեն հայտնում են անհիմն կասկածներ:
Չնայած վերը նշվածին, մենք հասկանում ենք, որ նման հայտարարություն անելով, դիմումատուն կարող է ցանկություն ունենալ պահպանել գաղտնիությունը: Եթե խախտումի մասին հայտարարելով, դուք խնդրեք չբացահայտել ձեր մասին տեղեկությունները, մենք դա չենք անի առանց ձեր թույլտվության: Պետք է հիշել նաև, որ անանուն արված հայտարարությունները շատ ավելի դժվար կլինեն հետաքննել կամ հետագայում ձեզ տեղեկացնել աուդիտի արդյունքների մասին:
Ինչպես հաղորդել խախտման մասին
Սկզբում կկարողանաք ձեր բողոքը հայտնել անմիջական ղեկավարին: Դա կարելի է անել գրավոր, բանավոր կամ հեռախոսով: Եթե ինչ-ինչ պատճառներով ձեզ թվում է, որ չպետք է զեկուցեք ձեր կասկածների մասին անմիջական ղեկավարին, կամ եթե կարծում եք, որ ձեր դիմումին պատշաճ պատասխան չի տրվելու, ապա կարող եք դիմել ԻՆՆՈՎԱՖԱՐՄ ընկերության կարգավորող հանձնաժողովին, որը պատասխանատու է այս քաղաքականության համար:Հեռ.` +374 11 551553Էլ. Փոստ ՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։Հասցե ՝ ԻՆՆՈՎԱՖԱՐՄ ՍՊԸ, Նոր-Նորքի 6 մ/շ զանգված, Շոպրոնի փող․թիվ 14 շինություն, Երևան 0090, ՀՀ Հայտը ստանալուց հետո այն համարվում է ընդունված և ձեռնարկվում են անհրաժեշտ միջոցներ: Իրականացվում է ներքին աուդիտ կամ պաշտոնական հետաքննություն ՝ կախված ենթադրյալ խախտման բնույթից: Դիմումատուին տրամադրվում է պատասխանատու անձի տվյալները հարցին հետագա ընթացք տալու համար։ Հնարավոր է, որ դիմումատուին հարցնեն, թե ինչ առաջարկներ նա ունի տվյալ հարցին լուծում տալու համար։ Եթե հայտատուն ունի անձնական հետաքրքրություն այս հարցում, պետք է զեկուցի դրա մասին: Ընկերությունը ձգտում է հնարավորինս տեղեկացնել դիմումատուին ձեռնարկված միջոցառումների արդյունքների մասին, բայց միշտ չէ, որ հնարավորություն ունի հաղորդելու գործի բոլոր մանրամասները, որպեսզի չխախտի ուրիշների գաղտնիության իրավունքը:Ընկերությունը չի կարող երաշխավորել, որ կպատասխանի բոլոր բողոքներին այնպես, ինչպես կցանկանա հայտատուն, բայց կձգտի օբյեկտիվ որոշում կայացնել: